International online Shopping Kaise Kare [Hindi]

Namaskar Dosto is article me mai aapko International shopping online website se kaise karte he unke bare me batane ja raha hu. Aapko kisi bhi online International shopping website pe shopping karte time kis kis bato ka khayal rakhana chahiye, kya charges lagte he, kaise money pay karna he, kaise shipping lena he, Kaun kaun si jaruri batein hai online shopping ke bare mai wo sabhi me is article se share kar raha hu. Mujhe umeed he ki is post ko dekhne ke baad aap badi hi aasani se Internation shopping website se online shopping kar payenge.

International online Shopping: Shipping, Custom, Payment, Warranty Details in hindi.

International online Shopping kaise kare?

Dosto Aaj kal online shopping hamare liye ek aam bat ho gayi hai, Lekin hume kuchh aaisa purchase karana he jo India me ya humare country me available nahi he ya fir he to  wo bahot costly he, to aaise me hum internation online shopping kar sakte he.

Dosto internationn online shopping ke liye kafi sari website he lekin kis pe hume trust karna chahiye aur kispe hume nahi karna chahiye. Dosto aaj kal China base website pe sabse jyada online internation shopping ho rahi he kyu ki waha se saste me kafi sari item mil jati he. Jaise ki mobile, accessories, shoes, electronic, fashionable item etc.

1) Dosto hum aapko China, Hongkong, Singapore ya fir Asian country ki trusted website ka list de sahe he jis se aap online shopping kar sakte he.

2) Dosto ab hum aapko  U.S. & U.K. ki trusted website ka list de sahe he jis se aap online shopping kar sakte he.

International online Shopping Me Shipping policy kaisi hoti hai?

Dosto online shopping website me do tarah ki shipping policy hoti he. Jiske bare pe puri jankari niche di gayi he.

1) Free Shipping:- 

Dosto free shipping me aapko shipping China Post, Singapore Post, Malaysia Post  Ya fir kisi bhi country ke registered Post se  mil jaye gi. Is method me aapko shipping ka charge pay nahi karna padega, ya fir charge hota he to bhi bahot hi kam hota he.

lekin Dosto free shipping me aapko shipping time 30 days to 60 days tak ka  rehte he ya fir usse bhi jyada lag sakta he. Is liye aap koi chhoti item like mobile accessories buy karte he to hi aap is method ko choose kare.

2) Standard Shipping:-

Dosto standard shipping me aapko shipping Standard International Courier company ke through milegi jaise ke – DHL, Aramax express, EMS

Is shipping me shipping ka charge high hota he. Minimum 20$ se 50$ tak ka charge pay karna padega.

lekin Dosto standard shipping me  shipping time 7 days to 12 days tak ka rehta he. to mobile ya fir koi bhi costly item purchase kare to is method ka hi use kare.

Online Shopping Me custom charges kaise pay karte hai?

Dosto Aap jante hi honge ki Agar hum Country ke bahar se koi item import karte he to us par Humare country ki Custom duty ya Import duty pay karni padati he. Sabse pehle aap jan le ki konsi item par Custom duty deni padti he or kis par nahi deni padti he.

Jaise ki chhoti item like mobile accessories  

Custom Duty Kaise Pay Kare.

Dosto Ab me aapko bata raha hu ki cutom duty kaise pay karte he.

1) Dosto Agar aap ne Free shipping  select ki he to Jab aap ka parcel India me  ya apany country ke Custom department me received hoga tab Custom officer aapko ek letter post karenge jis me aapko kya charges pay karna he or konse document (ID proof) dena he  ye sab information hogi. Aapko kewal wo jaruri information deke vapas letter post karna pade ga.

Jab aapka letter Custom depart me mil jayega to aapka parcel delivery ke liye nikal jayega.

Jab postman aapko wo parcel dene aayega to aapko us waqt custom charges pay karna padega.

2) Dosto Agar Aap ne Standard shipping select ki he to, Jab aap ka parcel India me Custom department me received hoga tab Courier department aapko ek mail send karenge, jisme custom charges ki information hogi. Aapko bas us Mail ka reply karna he wo bhi jaruri information deke.


Jab aapka reply mil jayega to Courier company aap ke behalf me custom clearance karava denge.

Aur aapke parcel delivery ke time aapko custom charges pay karna padega.


Custom Duty charges ke liye aap online search kar sakte he.

Online Shopping Me Paisa Pay Kaise Kare?

Dosto International e-comers website pe kisi bhi item ki price Dollar Ya fir foreign currency me hoga. Sabse pehle aapko website pe  Currency selection ka option he ki nahi ye dekhana hoga, Agar he to usme aap apani currency select kare, Agar nahi he to aapko currency rate pata karana padega ki Jaise 1$=68 Rs.

Dosto International e-comers website pe Cash-On-Delivery ka option Nahi hota he. So, Apko paise order ke time pe hi pay karne padenge. To chaliye aapko batate he ki paise kaise pay karenge.

Money payment Kaise karenge.

Dosto website pe money payment ke liye aapke pas 3 se 4 option honge. Jiski details niche di gayi he.

1) Paypal:-

   Dosto aapne kabhi na kabhi to Paypal  ka nam suna hoga. Paypal ki puri details ke liye hum alag ek article likhenge. Sort me kahu to aapko paypal me account open karke usme aapko apana Bank Account Ya fir aap apne Debit card or Credit card ko link karna padega. 

Dosto paypal se aap bade hi aasani se payment kar sakte he.

Paypal aapki  Debit card or Credit card ki information kisi bhi online merchant se share nahi karta or link karane ke bad wo  payment ke time bhi card ki information nahi mangata kyu ki wo pehle sehi uske pas he. To dosto mere hisab se sabse secure payment option Paypal hi he.

2) Debit Card:-

Dosto aap apne International debit card se bhi payment kar sakte he.

3) Credit Card:- 

Dosto aap apne Credit card se bhi payment kar sakte he.

International online Shopping Me Warranty Kaise milegi?

Dosto International shopping me aapko kewal seller ki hi warranty milegi. 

Aapko check  karana padega ki kitne time ki warranty he. warranty 1 year ya 6 month ki hogi.

Agar warranty time me aapki product me kuchh problem aata he to aapko use wapas seller ko bhejana padega. Is time aapko bhejane ka shipping charge bhi dena padega jab ki wapas receive karne ka shipping charge nahi dena padega.  

Return Policy:-

Dosto Aap kisi bhi item purchase karne se pehle uski return policy jarur check karle.

Jis item me return policy available na ho us item ko ignor kare kyu ki kal agar aapko defected item received huvi to aap usko wapas nahi kar payenge.

Very Important Tips:- 

   Dosto online shopping me kisi bhi item purchase karne se pehle aap us item ka customer  review jarur padhe. Isase aapko malum padega ki us seller ka ratings kya he, aur customer ka opinion kya he.

Dosto ye sab information ke baad aap badi hi aasani se International Shopping kar payenge. aur apko pata chal gaya hoga ki online shopping kaise kare

Dosto Agar Aapko ye article helpful lage to aap ise apne dosto se  share jarur kariyega. 

== Jay Hind ==

2 Comments

  1. Sabhaya Sagar 15/03/2016
  2. saddam husen 15/03/2016

Leave a Reply