NFC Kya Hai aur Mobile Me NFC Use Kaise Kare


What is NFC and how it works explained in hindi. NFC Kya hai, NFC kaise kaam karta hai, NFC ke kya benefits hai, ye sab information hum apko is post me batayenge, Dosto apne Android phone ya Apple ke phone me kahi na kahi NFC ka option jarur dekha hoga, ya fir apne NFC ka naam kahipe bhi suna to hoga, lekin apne kabhi uska upyog nahi kiya hoga, yafir apko wo kya hai wo nahi pata hoga, lekin hum apko aaj batayenge ki NFC kya hai, Dekhiye ye Bluetooth or Wifi jaisi hi wireless service hai lekin kaam bahot hi acha karta hai,

NFC Kya Hai

 

NFC Kya Hai

NFC ka pura naam “Near Field Communication” hai, jisaka simple meaning hai najdiki place me sanchar banana, aur technically bataye to ye technology kisi bhi do electronic device ko touch karake ya fir maximum 4 C.M.(2 inch) tak karib lake dono device ke bich me communication establish kar sakta hai, NFC transmission me electromagnetic radio field ka upyog kiya jata hai jisase device ko bahot najdik rakhana padta hai aur isase device ka communication bahot hi secured ho jata hai,

NFC ek short range wireless technology hai jo Communication protocol aur data exchange format ko Radio Frequency identification (RFID) standard ke adhar pe kaam karti hai, NFC ek wireless data transmission service hai,

Mobile Me NFC Kaam Kaise Karta hai

NFC communication ke liye device me NFC antenna hona compulsory hai, ye antenna size me ek aam antenna jaise nahi hota balki ye ek chip ki tarah design kiya gaya hai, jise smartphone me yato battery ke andar ya phone ke back cover par lagaya jata hai, NFC 106, 212, 424 kbits/s tak ke data transfer rates ko support karta hai

NFC standard aaj ke Device me three alag alag mode of operation me use kar sakte hai, jisame smartphone me pehla common mode hai peer to peer mode, Jo 2 NFC enable device ko ek dusare ke bich me information ko exchange karta hai, ye mode me dono device data send karte time active rehte hai, aur data receive karte time passive mode me rehte hai, jisase device ka power consumption level low rehta hai.

Dusara mode hai Read and Wright mode, ye ek one way data transmission hai, Jisame active device dusare device se link banata hai jisase wo usaki information ko read kar sake. Ye wo mode hai jo NFC tags ke liye use hota hai,

Third aur final mode hai card emulation, Ye wo mode hai jisa me NFC device ko Payment karne ke liye smart card ya credit card ki tarah use kar sakte hai, aur public transport service me bhi tap karke use kar sakte hai,

NFC development ke liye Sony, NXP aur Nokia ne sath milkar March-2004 ko ek non profitable Association banaya jise NFC Forum kehte hai, Maujuda samay me is association me 200 se bhi jyada company member ban chuki hai

NFC Ke Benefits

1] Mobile Payment :

NFC ki madad se aap badi hi asanise Mobile se payment karsakte hai, Ye Debit or Credit card jaise hi payment kar sakta hai, Jaiseki debit card ko swiping machine me swipe karte hai waise hi NFC enable mobile me Debit card ki information save karke swiping machine se touch karake payment kar sakte hai, isase apko Debit or Credit card ko sath rakhane ki jarurat nahi padegi,

Apple ne Apple Pay ke dwara ye suvidha Sep-2014 ko launch ki thi, aur Google ne Android 4.4 me Android Pay ke dwara ye suvidha launch kar di thi,

2] Data Transfer :

NFC ki madad se Do Mobile ke bich badi hi asani se data transfer kar sakte hai, isake liye kewal mobile me NFC on karke do device ko kewal touch karna hai, usake bad jo bhi data transfer karna hai use kewal tap karne se wo data dusare device me transfer ho jayega,

3] Device Paring :

NFC ki madad se do device ko aap asanise pair kar sakte hai, jaise ki Bluetooth pairing, Music player, Bluetooth speaker,  Wi-Fi networks, Wi-Fi Direct jaisi service ko easily pair kar sakte hai apne mobile ke sath,

4] NFC Tags:

NFC Tags means chota sa tag ya sticker jise NFC app ke dwara program kiya gaya ho, NFC Tag me aap apne personal data ko store kar sakte hai, NFC tags jyadatar read only format me data ko store karta hai, jaise ki Debit or Credit card information, PIN or password, networking contacts aur isake jaisi important information ko securely store karta hai, to is tarah aap NFC Tags ki madad se apne data ko securely exchange kar sakte hai,

5] NFC Business Cards or Poster :

NFC business cards wo cards hai jisame NFC chip lagi hoti hai, aur us chip me usake business ke related information, Address, website, Contacts hote hai,NFC poster bhi isi tarah ka hota hai, aap jaise hi apne device ka NFC on karke apne phone ko us card ya poster se touch karyenge to wo information apke mobile me save ho jayegi

6] NFC Identity and Tokens :

NFC enable device ko aap ek electronic Identity document ya keyword ki tarah upyog kar sakte hai,

jisaki madad se aap apne identity document ko securely share kar sakte hai,

Dosto ummeed karta hu ki aapko NFC kya Hai ki puri information mil gayi hohi, Agar apko is post ke related koi bhi question hai to aap niche comment kar sakte hai,

loading...

7 Comments

  1. Arpit Jain 30/01/2017
  2. Shivang Saxena 18/12/2016
  3. Anonymous 09/12/2016
  4. NADEEM KHAN 25/07/2016
  5. NADEEM KHAN 25/07/2016
  6. NADEEM KHAN 25/07/2016
  7. Anonymous 20/04/2016

Leave a Reply

error: Content is protected !!