RAM Kya Hai -Types and Use of RAM Explain in Hindi

RAM Kya Hai -Types and Use of RAM Explain in Hindi

Jab hum Mobile or Computer ke performance ki baat karte hai to humare mind me RAM ka naam jarur aata hai, Ab ye RAM kya hai? Kaise kaam karti hai? kitne type ki hoti hai? isaka use kya hai? alag alag RAM ke bich kya difference hai? RAM ki speed kya hoti hai? konsi RAM fast hoti hai? ye sabhi baate hum apko is post me details se explain kar rahe hai.

RAM Kya Hai

RAM ka full form Random Access Memory hai. isake naam se hi pata chalata hai ki ye memory ko aap kabhi bhi randomly access kar sakte hai, means ke apke requirement ke hisab se Read or wright karne wali memory, ye memory jitni jyada hongi utana hi fast aap kaam kar sakte hai.  RAM Mobile or Computer ka sabse important part hota hai. kyu ki aap Mobile or Computer me jo bhi work karte hai wo sara kaam RAM ke andar hi hota hai.

Mobile or Computer me 2 Type ki memory hoti hai.

  1. Internal Storage or Hard Disk– jisame aap data ko store kar sakte hai aur wo data power off hone ke baad bhi usame store rehta hai
  2. RAM– jisame aap hard disk ke data ko read or wright kar sakte hai aur power off hone ke baad usaka sara data delete ho jata hai

Generally sabhi device me RAM ki size small hoti hai or Internal memory ki size bahut jyada hoti hai, Jaise ki Mobile me 2GB Ram and 16GB internal storage and Computer me 2GB Ram and 500Gb Hard Disk hoti hai. kyu ki RAM ka kaam processor ke through diye gaye Task ko run karna hota hai. means ke aap apne device me jo bhi App or program ko open karte hai to wo apke internal storage se RAM me transfer hojata hai aur fir processor RAM me jaakar usako Run kar pata hai. Ab ye memory jitni jyada hongi utane jyada program aap ek sath chala pate hai,

Jab aap apne device ko ON karte hai to sabse pehle apke device ki Operating system RAM ke andar Run hoti hai or isake sath kuch jaruri program bhi run hote hai. Aapne Mobile or Computer me dekha hoga ki aapne koi bhi App or Program ko chalu nahi kiya hota fir bhi apki RAM use ho rahi hoti hai jisaka karan ye hota hai ki OS RAM ka use kar rahi hoti hai. Aise me agar apke RAM ki size small hogi to ek sath jyada program run karne par RAM ki memory full ho jayegi or apke device ki speed slow ho jayegi. Ab baat karte hai ki kitne type ki RAM hoti hai.

Types Of RAM

Basically RAM 2 Type ki hoti hai.

  1. DRAM – Dynamic Random Access Memory
  2. SRAM– Static Random Access Memory

Ye dono RAM ki technology alag-alag hai, Aaj kal Computer or Mobile me sirf DRAM ka hi upyog hota hai, lekin agar speed ki baat kare to SRAM sabse fast hoti hai, kyu ki DRAM 1 second me hajaro bar refresh hoti hai jabki SRAM ko refresh karne ki jarurat nahi hoti iski wajah se wo bahot fast hoti hai,

Dynamic Random Access Memory

DRAM Capacitor or Transistor se bane huve storage cell me data ki har bit ko store karta hai, DRAM ko every 15 nanoseconds me refresh hone ke liye ek naye electric charge ki jarurat padti hai taki ye capacitor se leak ho rahe charge ki kami puri kar sake.

DRAM ke bahot sare types hai lekin sabse jyada use hone wala type hai DDR SDRAM. To chaliye jante hai ki ye DDR SDRAM kya hai.

DDR SDRAM kya hai

SDRAM ka full form hai- Synchronous Dynamic Random Access Memory or SDRAM 3 type ki hoti hai.

  1. SDR- Single Data Rate
  2. DDR- Double Data Rate
  3. QDR- Quad Data Rate

Types of ram

SDR 1 clock cycle par 1 transfer kar sakta hai jabki DDR SDRAM 1 clock cycle par SDR Ram ki tulna me Double data transfer kar sakta hai, aur waise hi QDR 1 clock cycle par SDR se Quad data transfer kar sakta hai. lekin abhi QDR RAM bahot use nahi hoti hai, to hum baat karte hai DDR SDRam ke bare me.

 

DDR Ram clock signal ke rising and falling dono edge par data ko transfer karta hai jise double pumping kehte hai.

DDR2 RAM me clock signal ko 2x multipliers se improved kiya gaya hai jisase wo DDR Ram se double speed se work kar sakti hai wo bhi lover voltage se.

DDR 3 RAM me 2x clock signal multiplier ko 4x clock multiplier se replace kar diya gaya hai, jisase usaki transfer speed DDR se 4 guna jyada ho jati hai, aur DDR2 se bhi jyada low power consumption karti hai.

DDR4 RAM DDR3 ka advanced version hai jo sabse low power consumption karti hai or sabse jyada data transfer speed deti hai.

 

Ye Ram clock speed par data transfer karti hai is liye isaki labeling bhi isake according hoti hai jaise ki DDR2-800, DDR3-1066 etc. Kisibhi Ram ki speed usaki capacity par depend karti hai lekin agar apke device ke processor ki clock speed usase kum hai to RAM maximum processor ki speed jitna hi capacity se kaam kar payegi.

 

ऐसी ही कुछ और जानकारियों के लिए इन Post को जरुर पढ़े-

👉 32 Bit and 64 Bit Processor Me Kya Difference Hai
👉 Mobile Processor Ki Full Details Hindi Me
👉 HDD Vs SSD Vs SSHD Kya Hai Full Comparison in Hindi

Friends ummeed karta hu ki aapko RAM Kya Hai -Types and Use of RAM ki puri information mili hogi.

Dosto aapko is post ke related koi bhi question ho to aap niche comment kar sakte ho.

पोस्ट अच्छी लगे तो जरूर शेयर करे

Leave a Reply