UPI Kya Hai or Kaise Kaam Karta Hai Jane Full Details


Dosto Aaj kal aapne Unified Payment Interface (UPI) ke baare me bahot suna hoga, aise me apko ye question jarur hoga ki ye UPI kya hai? Kaise kaam karta hai? kaise hum usako use kar sakte hai? isake kya fayde hai? ye sab information hum apko is post me puri details ke sath bata rahe hai.

UPI Kaise Kaam Karta Hai

UPI Kya Hai?

UPI ka full form Unified Payment Interface hai. Jise ek Mobile application ke dwara upyog kar sakte hai. Jise National Payment Corporation of India ne launch kiya hai. Jisase Ab apke bank account se paise transfer karna aur bill payment karna asan ho gaya hai. Jisame apko paise transfer karne ke liye receiver ka naam, account no. IFSC code ki jarurat nahi padegi. aur aap kewal usake mobile number ya Virtual ID feed karke apne smartphone se payment kar sakenge.

Ye NEFT (National Electronic Fund Transfer) aur IMPS (Immediate Payment Service) system se kafi advance hai. Isake dwara kisibhi bank account se dusare bank account me Mobile phone se turant money send kar sakte hai, UPI me real time payment hota hai matalab ki jaise aap money send karenge waise turant hi samne wale ke account me jama ho jayega.

ऐसे ही कुछ और जानकारियों के लिए इन Post को जरुर पढ़े-
👉 E-Wallet Kya Hai Or Wallet se Cashless Transaction Kaise Kare?
👉 USSD Code Se Mobile Banking and Fund Transfer Kaise Kare
👉 Aadhar Payment App Kaise Download Aur Use Kare.

UPI Kaam Kaise Karega?

UPI se money transfer karne ke liye apke paas ek Unique ID ya virtual Address hona chahiye,  Aur ye ID aap UPI app ki madad se bana payenge, is ID me aap apna Naam Ya Mobile No. bhi rakh sakte hai, Jisae aapko yaad rakhne me asani ho, Example ke taur par apka account Axis bank me hai aur apka Mo.No- 9123456789 hai to aap apni ID 9123456789@axis rakh sakte hai. Aaise hi jise apko paisa bhejana hai usaki UPI ID apke paas honi jaruri hai. Money transfer karne ke liye apko kewal dusare ki UPI ID aur amount hi dalni hogi fir MPIN dalne se instant money transfer ho jayega.

UPI ID ko payment send aur receive karne ke liye Identifier ke taur par mana jata hai aur ye two factor authentication se kaam karta hai jisase isaki security increase ho jati hai.

UPI ka upyog aap Bill payment, Counter Payment, Bar-code scan payment, e-commerce site par bhi kar sakte hai.

UPI behad secured payment system hai, jisame customer ka naam, account no, IFSC code ki information nahi deni padti, jisase customer ka data secure rehta hai.

UPI next generation ka payment system hai jisake jariye multiple bank account ko handle kar sakte hai,

UPI me aapko 24 hours fund transfer aur payment ki suvidh milti hai. aur payment real time me hi ho jata hai.

UPI ka upyog aap online purchase me bhi kar sakte hai, Jisase apko Debit card number, CVV, expiry date, OTP jaisi information dalne ki prakriya se azadi mil jayegi. aur isaki bajay apko kewal apni ID hi deni hogi.

UPI se aap 50 Rs. se 1 Lakh rupees tak transaction kar sakte hai.

UPI APP Download aur Register Kaise kare?

Sabse pehle apne bank ka UPI app Play store maise download karke install karna hoga.

Fir App open karne ke baad app apke phone me se SMS send karke apka Mobile Number verify karega.

Isake baad app me apka Naam aur E-mail address dalna hoga. Fir App apka Virtual ID create karne ke liye option dega.

Yaha aap apni pasand ka ID banale, Jo badme apki UPI ID hogi.

Isake baad apko MPIN (password) creat karna padega jisase har bar transaction karte time wahi MPIN dalana padega. bus apka registration ho gaya. ab aap UPI app kahi bhi use kar sakte hai.

UPI Registration process

UPI Se Payment Kaise Kare?

Maan lijiye apne kisi supermarket or mall maise ghar ke liye kuch saman  kharida aur dukandarne apko bill diya aur apne usake cash diya, UPI payment mebhi aisa hi simple funda hai, yaha aap bus ye karte hi ki cash me payment ki jagah aap dukandar ko apna UPI ID batate hai, aur wo UPI ke jariye ek invoice generate karta hai aur jise aap apne mobile phone ke app ke jariye approve kar dete hai. Apka approval milte hi payment ho jayega.

UPI payment system cashless economy ke liye liya gaya behad important system hai. ye E-wallet, Mobile wallet jaisi system se bhi jyada asan aur secured hai, Aur aane wale dino me aap UPI Payment ko lagabhag har jagah dekh payenge. isako aap Digital India kabhi behad important kadam maan sakte hai.

Dosto ummeed karta hu ki aapko UPI Kya Hai or Kaise Kaam Karta Hai ki puri information mili hogi, aur aap chahte ki apko isi tarah ki nayi jankari milti rahe to aap jarur ise share or subscribe kare.

Dosto aapko is post ke related koi bhi question ho to aap niche comment kar sakte ho.

loading...

2 Comments

  1. SagaR Sabhaya 10/12/2016
  2. HindIndia 07/12/2016

Leave a Reply

error: Content is protected !!