Android Me Bootloader And Kernel Kya Hota hai

Android rooting or hacking me aapne Bootloader or Kernel ka naam suna hoga, Aagar aap apne android phone ko root karna chate ho, to aapke liye ye janana jaruri hai ki Bootloader and kernel kya hai, kaise kaam karta hai, Hum apko is post me Android Bootloader and kernel ke baare me puri details batane wale hai,

Bootloader And Kernel Kya Hota hai

Bootloader Kya Hai

Android Phone ko switch on karte time first run hone wale program ko Bootloader kehte hai, Bootloader android operating system ko load karta hai, ye ek package hai jo operating system kernel ko boot karne ka instruction deta hai, Android device me several partition hote hai jisame data store hota hai, jaise ki system file ki liye or android app ke data ke liye alag partition hota hai, ye sab partition ke liye Bootloader ek security check point hai, Jo device start hone se pehle android operating system ki sabhi files ko check karta hai, agar koi file missing hogi to wo operating system ko run nahi karne dega. Sabhi smartphone me alag alag bootloader hoga jo us smartphone banane wali company ne apne phone ke requirement ke mutabik design kiya hoga,

Bootloader android device me generally locked condition me hota hai, kyu ki Android OS ek open source OS hai aise me manufacturer chahta hai ki aap usake device ke liye specially design kiya huva hi Android OS version upyog kare, Locked Bootloader ke sath aap custom ROM ko flash ya install karna impossible hai, aise me agar aap forcefully Custom Rom Flash karenge to aapko phone brick ho jayega, Aise me agar apko Custom ROM flash karni hai to apko Bootloader ko Unlock karna padega,

Bootloader ko Unlock karne ki process alag alag phone me alag alag hoti hai, kuch phone me aap asani se bootloader ko unlock kar sakte hai aur kuch phone me apko manufacturer se unlock code ki jarurat padegi, aise me agar apko apne phone ka bootloader unlock karna hao to aap Bootloader Unlock kaise kare is post ko read kare and usame bataye gaye step ko perfectly follow kare.

Kernel Kya Hota hai

Android, iOS, MacOS, Windows ye sabhi operating system me Kernel hota hai, Lekin ye kernel ka kaam kya hota hai? Kernel ka kaam Hardware or Software ke bich me communication karna hota hai, Means ke Software ko Hardware ke work ki koi bhi jarurat padti hai to wo kernel ko request karta hai aur kernel wo request hardware ko deta hai jisase wo us work ko pura kar sake, aise hi Hardware ki jarurat ko kernel software tak pahuchata hai,

For example: Agar aap apne phone ki screen pe search application pe click karte hai, to apke phone ka Hardware kernel ko batata hai ki user ne screen pe kis bhag me touch kiya hai, aur kernel software ko batata hai us jagap par jo app hai usako run kare, isi tarah kernel hardware or software ke bich me communicate karke user ki requirement ko puri karta hai,

Android device me hume Linux Kernel dekhne ko milti hai, Ye kernel Linux based operating system me use hone wale kernel se bahot alag hai, Android kernel me bahot sare specific code ko dala jata hai, Android developers apne phone ki jarurat ke mutabik Kernel banate hai, Developer Kernel me har ek single work ke liye ek alag code banate hai, Aap apne phone ki kernel ko change karke apne phone ki performance ko badha sakte hai, aur usako kum bhi kar sakte hai, Kernel se aap apne phone ki battery life ko bhi badha sakte hai.

Aspect karta hu ki aapko Android Me Bootloader And Kernel Kya Hota hai ki puri information mili hogi, Agar apko is post ke related koi bhi question ho to aap niche comment kare.

ऐसी ही कुछ और जानकारियों के लिए इन Post को read करे –
? Android Phone Me Bootloader Unlock Kaise Kare
Facebook Ke Top 7 Hidden Secret Tips and Tricks

0 Shares

12 Comments

  1. Shobha padalkar 08/08/2018
  2. Aadil 03/08/2017
    • Admin 03/08/2017
  3. anuj singh 11/05/2017
    • Sagar Patel 11/05/2017
  4. Sanjay sharma 29/03/2017
  5. Rizwan Khan 29/01/2017
  6. Rizwan 29/01/2017
    • Sagar Patel 29/01/2017
      • Rizwan Khan 29/01/2017
        • Sagar Patel 30/01/2017

Leave a Reply

This site uses Akismet to reduce spam. Learn how your comment data is processed.

error: Content is protected !!