DSLR And Mirrorless Camera Kya Hai Explained in Details Hindi

DSLR and Mirrorless Camera Kya Hai

Aapne Digital camera me DSLR ka naam suna hoga, Ab ye DSLR Camera And Mirrorless camera kya hai? kaise kaam karta hai, Dono me kya difference hai? aur dono maise konsa better hai ye sari information aap nahi jante honge, To aaj hum apko digital camera ke baare me details se batane ja rahe hai.

DSLR Camera Kya Hai

What is DSLR camera? DSLR ka meaning hai Digital Single Lens reflex or Digital SLR. DSLR camera purane SLR camera ka digital version hai, aur ye SLR ke mechanism pe hi work karta hai, Jo reflex design pe kaam karta hai, ab baat karte hai ki DSLR kaam kaise karta hai?

DSLR Camera me basically Camera lens, reflex mirror, image sensor, prism and view point hota hai, Jab DSLR camera on hota hai ho koibhi scene sabse pehle prakash ke through lens pe show hota hai fir wo mirror pe show hota hai aur mirror usako yato image sensor me send karta hai ya fir prism ke through viewfinder pe show karta hai, aise me jab capture button press to mirror close ho jayega aur viewfinder pe dikhane wala scene image sensor me capture ho jayega. ise details se janane ke liye niche ki image ko dekhe.

DSLR Kaise kaam karta hai.

Yaha image me aap dekh sakte hai ki lights lens ke through mirror pe pad rahi hai aur mirror usako prism pe send kar raha hai jise prism viewfinder pe apko exact scene show karta hai. Fir jab aap capture button ko press karenge to mirror close ho jayega aur same scene image sensor pe capture ho jayega.

DSLR or SLR camera me primary difference yahi hai ki SLR camera me picture ko capture karne ke liye films ka upyog hota tha jaise ki apne purane cameras me dekha hoga ki usame 36 photos wali films ka roll lagana padta tha, Jabki DSLR camera me film ki jagah digital imaging sensor use hota hai or camera roll ki jagah memory card use hota hai. ab baat karte hai ki Mirrorless camera kya hai?

Mirrorless Camera Kya Hai

Mirror-less camera ko CSC (Compact System Camera) bhi kehte hai Mirror-less camera exactly DSLR camera ki tarah hi kaam karta hai but us camera me movable mirror nahi hota hai. is liye usako mirror-less digital camera kehte hai. ise better way se samajhne ke liye niche ki photo ko dekhe.
How does mirrorless camera work
Aap ko upar ki image me do camera diye gaye hai, usame sabse first hai wo DSLR camera hai aur second hai wo mirror-less camera hai. Aap yaha par clearly dekh sakte hai ki mirror-less camera me DSLR camera ke jaisa koi bhi movable mirror nahi hai, aur prism bhi nahi hai.
Mirrorless camera me image directly digital image sensor pe show hoti hai jise wo electric viewfinder(EVF) ke through user ko show karta hai.

 

Difference Between DSLR And Mirror-less Cameras

👉Size & Weight:-
DSLR camera ki size Mirror-less se big hoti hai & weight bhi jyada hota hai. to aise me size and weight me Mirror-less camera best hai.
👉Auto Focus Speed:
DSLR camera ka advantage ye hai ki isame phase detection technology ka use hota hai jisaki madad se fast auto focus ho jata hai, jabki Mirrorless camera me contrast detection technology ka use hota hai aise me image sensor highest contrast pe focus karta hai jisase wo fast focus nahi kar pata hai. lekin advanced mirror-less camera me dono sensor inbuilt mil jate hai.
👉Image Stabilization
Optical image stabilization sensor DSLR and Mirror-less camera dono mai available hai aise me dono hi camera OIS sensor me equal hai.
👉Video Quality 
Video quality ki baat kare to Mirror-less ki video quality DSLR camera ke kafi jyada better hoti hai kyu ki DSLR camera me video ke andar auto focus nahi ho pata hai jabki mirror-less camera me video recording me auto focus sensor use hota hai.
👉Battery Life
DSLR camera ki battery life long hoti hai kyi ki usame aap bina LCD screen ko On karke bhi aap image capture kar sakte hai jabki Mirror-less camera me aapko image preview ke liye compulsory EVF ka use karna padega.
👉Accessories
DSLR ke liye market me bahot sare lenses and accessories ke option available hai but Mirror-less camera me apko limited options milenge.
ऐसे ही कुछ और जानकारियों के लिए इन Post को जरुर पढ़े-
👉 HDR kya hai aur HDR ka use kaise kare
👉 Camera Me Optical Image Stabilization (OIS) Kya Hai
👉 Pixel Kya hai And Camera Me Megapixel Kya Hai
👉 LCD vs LED vs Amoled Display ka Full Comparison 
Conclusion:-
Agar aap video shooting ke liye camera buy kar rahe hai to definitely apki choice Mirror-less camera hi honi chahiye kyu ki isame aap lighter, compact, faster and better video recording kar sakte hai aur sath me better quality ki image bhi capture kar sakte hai.
 Lekin agar aap ek profession photographer hai aur apka kaam kewal pictures capture karna hi hai to apke liye best camera DSLR hi hai kyu ki isame aapko best quality ke sath bahot sare option bhi mil jayenge.
I hope ke aapko DSLR And Mirrorless Camera Kya Hai ki Full details mili hogi. Agar apko ye post pasand aaye to jarur ise share kare.
Dosto aapko is post ke related koi bhi question ho to aap niche comment kar sakte ho.
पोस्ट अच्छी लगे तो जरूर शेयर करे

7 Comments

  1. Ashish Kasar 29/03/2017
  2. Akshat 18/03/2017
  3. Dhiraj parate 13/03/2017
  4. shyam sundar mathpal 06/03/2017

Leave a Reply

error: Content is protected !!