Mobile Ke Processor me GPU Kya Hai

Aapne Mobile processor me ya computer ke CPU me GPU ka naam suna hoga, lekin ye GPU Kya hai, Kaise kaam karta hai, Mobile processor me GPU kitana important hai, ye sab bate aaj hum apko is post me batane wale hai,

GPU Kya Hai

GPU Kya Hai.

GPU ka full form “Graphics Processing Unit” Hai, aur naam ke mutabik ye mobile phone ki sabhi graphics ya visual requirement ko process karne wala unit hai, Technically bataye to ye ek co-processor hai jo graphical calculation or transformation karta hai, jisase CPU ka boj kum ho jata hai,

Ab jante hai ki GPU kaam kya karta hai, GPU humare phone ki screen pe hone wale sare kaam karta hai, jiase ki animation, Images, Video, gaming, swiping, popup, 3d animation ye sare kaam GPU ki madad se hote hai, kehne ka matalab hai apke phone ki screen me dikhne wale sare visuals ko GPU manage karta hai, Phone ke visual or graphics me CPU ka kaam bahot kum rehata hai aur ye sare kaam GPU hi manage karta hai, aise me aapke phone me GPU jitana acha hoga utana better visual apke phone me dekhane ko milenge, Mobile phone me GPU ki jyada requirement Gaming me rehti hai kyu ki gaming me high graphics ya 3d animation ka upyog hota hai, CPU ki tarah hume GPU me bhi multi cores aur frequency dekhane ko milti hai, matalab ki agar GPU me jyada cores hai to wo better result de payega, aur usaki frequency jyada hogi to wo speed se work kar payega,

Mobile phone me hume jyadatar Mali, Adreno aur PowerVR company ke GPU dekhane ko milte hai, ab ye teeno company ke GPU ke bare me details me bata raha hu ki konasa GPU better hai, aur kitna powerfull hai,

Mobile Processor ki puri deatils hindi me

Mali GPU 

Mali ka GPU processor ka architecture design karne wali company ARM banati hai, Mali ARM ka GPU hai jo usane design kiya hai aur wo licence ke through alag alag company ko apna gpu kisi bhi phone ke processor me use karne ke liye provide karti hai, jaise ki Mediatek aur Samsung ke processor me hume Mali ka GPU dekhane ko milta hai, ARM company ke paas Mali GPU ke 21 design ke licencees hai, aur wo multi cores wale GPU bhi provide karti hai, Mali me hume Ultra-low power aur High performance wale aise do prakar ke GPU dekhane ko milte hai, jaiseki Mali-200, 400, 450 aur 470 gpu ultra-low power wale GPU hai, aur Mali-T624, T760, T860 High performance wale GPU hai, aise me GPU ka model jitana new hoga wo utana hi better hoga,

Adreno GPU

Adreno GPU Qualcomm Company banati hai, aur wo kewal apne Snapdragon processor ke liye hi design karti hai, usaka GPU hume kisi aur company ke processor me dekhane ko nahi milega, Qualcomm apne processor ki series ke mutabik apne GPU banata hai, jaise ki snapdragon 200 to 400 series ke liye Adreno 200 to 300 series ke aur snapdragon 600 to 800 series ke liye 400 to 500 series ke GPU banata hai, Simply lower budget ke liye lower performance wale or higher budget ke liye High performance wale GPU provide karta hai, Adreno GPU hume Samsung, HTC, LG ke smartphone me dekhane ko milte hai,

PowerVR GPU 

PowerVR Imagination Technology company ka ek division hai jo 2d or 3d rendering and video encoding, decoding ke liye hardware aur software develop karta hai, PowerVR computer aur Mobile dono ke liye GPU design karta hai, powervr 5,6,7 series ke GPU mobile phone ke liye design karta hai, aur har sal nayi series launch hoti rehti hai, PowerVR ka GPU hume Apple ke Har smatphone me dekhne ko milta hai, isake siva hume Samsung, LG, Sony ke phone me bhi dekhane ko milta hai, PowerVR ki technology bahot fast develop ho rahi hai aur ye har tarah ke GPU design karta hai, aise me wo requirement ke mutabik GPU design karta hai,

Mobile Display ki Puri Details Hindi me

Note:-

Ye company kewal GPU ka architecture ya design bana ke share karti hai, aur chipset banane wali company is design ke base pe GPU banati hai, aur sath me usaka processor laga hota hai aur chip ke related sare parts lagake smartphone ki chip banati hai, jaise ki samsung ARM ki design le ke apni requirement ke mutabik apne phone ke liye Chip banati hai, aur aise hi Apple bhi banati hai,

GPU ka output apke phone ke resolution ke mutabik set kiya jata hai, example ke liye jaise apke phone ki display ka resolution HD (720p) hai aur aap usame koi full HD wali game play karte hai to usame graphics ki quality achi nahi milegi aise me apko game ki setting me se graphics ka level Medium ya Low karna padega,

Dosto ummeed karta hu ki aapko GPU Kya Hai ki puri information mili hogi, aur aap chahte ki apko isi tarah ki nayi jankari milti rahe to aap jarur ise share or subscribe kare.

Dosto aapko is post ke related koi bhi question ho to aap niche comment kar sakte ho.

3 Comments

  1. Anuj kamboj 17/02/2017
    • Sagar Patel 17/02/2017
  2. Adnankashifkhan 16/09/2016

Leave a Reply

error: Content is protected !!