What is Processor in Hindi – CPU Kya Hai Full Details

What is Processor in Hindi? Computer me Processor kya hai? What is CPU explain definition in hindi, Processor kaise kaam karta hai, alag alag processor me kya difference hai, konse processor ki quality kya hai, konsa CPU best hai, types of computer processor and speed of CPU kya hai, ye sab question ka answer mein apko de raha hu.

processor kya hai-What is Processor in Hindi

What is Processor? – CPU kya hota hai

What is Processor? is question ka simple answer ye hai ki Processor ek small electronic circuit or chip hoti hai jo apke computer ke motherboard par mount hoti hai. Processor ka kaam usake naam se hi pata chal jata hai ki ye koi processing ka work karta hoga. Isaka basic work hai computer se input leke usako process karke output dena. Processor ko Central Processing Unit– CPU kehte hai. Processor Computer ka control center hota hai, kyu ki ye computer ke sare other components ko control karta hai,

Processor Computer ka brain hota hai, Jo computer ke sare Program, Function or Operating System ko run karta hai, Dekhne mein to processor ka kaam aasan lagata hai lekin wo 1 second me trillions of calculation kar sakta hai, Processor ka performance bahot sari baton par depend karta hai jisaki Full guide details se explain karte hai.

 

Processor Guide:-

Agar aapko koi bhi processor ka comparison karna ho ya fir performance ka idea lagana ho to aapko processor ke bare me kuch basic information pata honi chahiye aur wo basic information ko hum details se batane ja rahe hai.

👉 32 Bit and 64 Bit Processor Me Kya Difference Hai

Architecture and Technology:-
Agar aapko Computer processor ke bare me janana ho to sabse pehle apko ye janana hoga ki wo konse Micro-architecture par banaya gaya hai. Architecture means processor ka design. Computer processor ke liye bahot sari company architecture banati hai jisame sabse best IntelARM and AMD hai, Every year company computer ka performance improve karne ke liye apna architecture badati rehti hai. is liye processor me new micro-architecture hoga to wo pehle wale processor se batter hoga.

Architecture ke base pe Nano technology se processor banta hai aur isame Nano transistor ka upyog hota hai, Processor me aise karodo(billions) transistor hote hai, ab ye transistor ki size jitni small hogi wo processor utna powerful hoga. example:-

Company Size
Intel 14 Nano meter
IBM 22 Nano meter
AMD 28 Nano meter

 

Number of Cores:-
Processor ka performance ka base usake number of cores pe hota hai means ke processor kitne cores wala hai. ab ye cores processor me jitne jyada honge processor utana multitasking ka work fast kar payega. kyu ki processor me separate cores isi liye provide kiye jate hai ki wo alag alag work ko ek sath speed se kar paye. Aaj kal hume processor me Dual core, Quad core, Hexa core, Octa core aur latest Intel ke processor me hume Deca core dekhane ko milte hai. Ab processor me jitne jyada cores honge wo utana hi powerful aur fast hoga.
Clock Speed:-
Processor ke cores ko work karne ke liye clock speed pe set kiya jata hai, means ke 1 second me wo kitna kaam karta hai? isako measured karne ke liye Gigahertz ka use kiya jata hai, Ab aise me processor ki clock speed jitni jyada hogi utana hi processor speed se work kar payega,
Integrated Graphics:-
Aaj ke time par Company bahot sare processor me video processing ke liye separate GPU provide karte hai, jisase battery video quality milti hai aur 3D gaming jaise program ko easily run kar sakte hai. aise me agar processor me alag se integrated graphics provide kiya gaya hai to processor ke performance me improvement dekhne ko milega.

 

Cache:-
Processor ko fast work karne ke liye integrated cache memory provide ki jati hai jo processor ke andar hi lagi hoti hai, jisase processor ko bar bar RAM ka use nahi karna padega, Agar aap Cache memory ke bare me details se janana chahte hai to humari ye post padhe- Cache Memory kya hai

👉 HDD Vs SSD Vs SSHD Kya Hai Full Comparison in Hindi

Aajkal bahot sari company computer ke liye processor banati hai lekin Computer me sabse famous processor Intel company ke hai kyu ki Intel ko processor sabse jyada powerful aur fast hote hai, To chaliye Intel ke alag alag processor ke bare me details se jante hai.

Intel:-

Intel ke processor ke bare me  janane se pehle Intel ke bare me janana jaruri hai. Intel world me sabse badi processor banane wali company hai. Sabse pehle Intel nehi Microprocessor banana start kiya tha. aur aaj jyadatar company apne computer me Intel ka processor use karte hai. Ye har sal apne processor ka new version launch karti rehti hai. lekin usame sabse famous i3, i5 aur i7 processor hai.

 

Intel Core i3:-
Intel core i3 ek Dual core processor hai jisame apko hyper threading enable milti hai, isali clock speed 2.3 GHz se 2.7 GHz tak dekhne ko molti hai, isame apko 3 MB tak cache memory milti hai, isame apko on chip integrated graphics dekhne ko milega. Wahi ye processor bahot hi low power consumption karta hai, isako normally basic user ki requirement ke liye banaya gaya hai, Intel Core i3 me har sal ek new model launch karta hai jise wo generation ka naam dete hai, Jaise ki i3 4th generation ab isame every year improvement dekhne ko milta hai. is liye new generation walal processor performance me batter hoga.

Intel Core i5:-
Intel core i5 2 variant me dekhne ko milta hai, ek mai apko dual core processor milta hai or second me apko quad core processor milta hai. ise core i3 se upgrade kiya gaya hai, Jisame aapko Cache memory or Clock speed me improvement dekhne ko milta hai aur sath me Turbo mode ka option milta hai, isame apko  3.1 GHz tak ki clock speed or 6MB se 8MB tak ki cache memory mil jati hai. Is processor ka upyog Professional work, Gaming and software development ki liye jyada kiya jata hai.

Intel core i7:-
Intel core i7 ek Quad core processor hai, Jise core i5 se upgrade kiya gaya hai, Isame apko 2.2 se 3.3 GHz tak ki clock speed dekhne ko milti hai aur 8 Mb ki cache memory dekhne ko milti hai, Isame apko Turbo mode, Hyper threading Built in memory control jaise extra function dekhne ko milte hai. Ye processor performance mai sabse best hai lekin sabse costly hai. Is processor ka upyog jyadata High performance wale computer work ke liye hi kiya jata hai.

 

ऐसी ही कुछ और जानकारियों के लिए इन Post को जरुर पढ़े-
👉 Mobile Ke processor me GPU Kya Hai
👉 Smartphone Ke All Sensors ki Full Details
👉 Mobile Processor Kya Hai -System on Chip(Soc) Details in hindi

Friends Mujhe umeed hai ki aapko What is Processor in Hindi and CPU Kya Hai ki puri information mili hogi aur aap processor or CPU ke bare mein bahut kuch jaan paaye honge.

Dosto aapko processor or CPU ke related koi bhi question ho to aap niche comment kar sakte ho.

पोस्ट अच्छी लगे तो जरूर शेयर करे

3 Comments

  1. Shubham Gupta 15/03/2017
  2. Honey sharma 02/03/2017

Leave a Reply

error: Content is protected !!