Samsung Device ko Root Kaise kare- Install Custom Recovery and Rom

How to root Samsung Device in hindi? Aaj hum apko batayenge ki Samsung Device ko root kaise kare? or Samsung ke phone me custom recovery and custom Rom kaise install kare? Kyu ki samsung device ke liye rooting method other device se bilkul different hai. To aise me apke liye isaki puri process details mai janana bahot important hai. Hum apko yaha par PC ki help se Samsung device ko root karne ki step by step guide explain karenge.

Samsung Device ko Root Kaise kare

Samsung Device ko root karne ke liye kya Requirement hai?

  • Samsung USB driver:- Sabse pehle aap Apne Samsung device ke liye latest Usb driver apne computer par install karle.
  • Download Odin3:- Ab aap apne computer par Odin3 ka latest software download karke install karle. Odin software kewal samsung device ke liye hi banaya gaya hai.
  • Download Custom Recovery:- Ab aap apne device ke liye special custom recovery download karle. Aap isake liye TWRP ki site or XDA developer Forum par apne device ko search karke recovery download karle. lekin wo file ka extension .tar hona chahiye Agar wo .img hai to us file ko .tar mai convert karna padega.

Ye Basic requirement ke alava aap apne phone ko Full charge karle kyu ki is process ke bich me agar apka phone switch off ho gaya to apke phone me problem ho sakta hai. Second aap apne phone ka Full backup karle kyu ki is process me apke phone ka pura data erase ho jayega. Aap chahe to apki stock ROM ka bhi backup le sakte hai isake liye aap custom recovery ka upyog kar sakte hai.

Samsung Device ko root kaise kare

1. Odin software ko install karke open kare.

2. Ab aap apne android phone ke developer option menu se USB debugging option ko enable kare. Agar aap nahi jante hai ki ye kaise enable hota hai to aap ye post read kare- USB debugging enable kaise kare.

3. Ab aap apne android phone ko switch off karde aur phone ko Download mode or Fast boot me On kare isake liye aap   Power +Home + Volume Down  button ek sath 7 second ke liye press kare. Fir warning show hone ke baad Volume up button press kare. Next aap Phone ko usb ke through computer me connect kare.

4. Jaise hi aap apne phone ko computer se connect karenge to Odin software me ID:COM box ka color Blue color mai change ho jayega.

5. Ab aap Odin software me AP option par click kare. yaha par aap TWRP.tar file ko select kare.

6. Ab aap Check kare ki Odin ke option menu me sirf “F.Reset Time” select rehna chahiye. baki koi option selected nahi hona chahiye.

Odin installation

7. Ab aap START button par click kare.

8. Fir Odin par Jab “PAAS” message show kare to apke phone par Custom Recovery install ho chuki hai ab apna phone switch off karde.

9. Phone ko Recovery mode me switch ON kare. isake liye aap Power +Home + Volume UP button ek sath 7 second ke liye press kare.

10. Ab aapko TWRP recovery me install option show hoga us par click kare.

11. Ab aap yaha par CF-Auto-Root ki zip file ko select kare.

12. Ab apke samane zip file ko install karne ke liye confirmation mange ga yaha aap simply swipe karke confirm karde.

13. Ab aap puri process ko complete hone de isame kuch minutes ka time lagega.

14. Process complete hone ke baad apne Phone ko Reboot kare. Ab aapka Phone Root ho chuka hai.

Note:– Is Method se aap sirf Samsung Device ko root kar sakte hai. Samsung Device Root karne se apke mobile phone ki warranty chali jayegi aur aagar is process me kuch bhi problem huva to apka phone kharab ho jayega. To agar aap fir bhi apne phone ko root karna chahte hai to isaki puri responsibility aapki hogi.

Ab aap Custom Recovery se apne Samsung phone par Custom ROM bhi install kar sakte hai. isake liye apko Step no. 10 se 14 ko follow karna padega yaha par aapko Custom ROM ki Zip file ko select karna padega.

To Dosto apko Samsung Device ko Root Kaise kare ki puri information mili hogi and hum apko isi tarah ki aur information provide karte rahenge. Agar apko is post ke related koi bhi question hai to aap niche comment kar sakte hai.

ऐसी ही कुछ और जानकारियों के लिए इन Post को read करे –
Android me Bootloader Unlock Kaise Kare- Full guide in Hindi
Android Me Custom ROM kaise install kare
Custom Recovery kaise flash kare full information
Android Phone me Developer option use kaise kare.

पोस्ट अच्छी लगे तो जरूर शेयर करे

 

 

0 Shares

Leave a Reply

This site uses Akismet to reduce spam. Learn how your comment data is processed.

error: Content is protected !!